የ፻፯ ቀን ትግስት

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!

ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።


የ፻፯ ቀን ትግስት

ካለፈው ሐሙስ ማታ ጀምሮ ከሂሱተን ከተማ ወጣ ብለን የመጨረሻውን ጥናትና ሪፖርት በምርምር ማዕከሉ አጠናቅቀን እሁድ ማምሻችንን ወደ ጊዜዊው የገልፉ መምሪያ ሰፈር በረርን። በማግስቱም የምንጠብቀውን አረንጓዴ መብራት በመፈቀዱ ፻፯ ቀናትን ያስቆጠረውን አማጺ የውቂያኖስ ውስጥ የዘይትና ጋዝ ጉርጓድ መድፈን (መግደል) (የሎጀስቲክና ኦፕሬሽን) ትግበራ ተጀመረ።

ይህ ጥልቀቱ ከ፪ ነጥብ ተኩል ማይል በላይ የሆነውንና ከወለሉ በታች የሚገኘውን የዘይት መሰመር ከሁለት አቅጣጫ በተበሳው ቀዳዳ በተለያዩ ንጥረ ነገሮች ተደባልቆ በተላቆጠና በተዋሀደ ድፍድፍ (እንደጭቃ ባለ) የሞምላት ጥቃት ተጠናቆ ማለቁንና እስከ ፲፪ኬ ግፊት መቍቋም ችሎታውን መረጋገጡ እንደታወቀ የመጨረሻውን የሲሚንቶ ማሸጉን ፈቃድ ተሰጠን። ይህንኑ በዛሬው ቀን ሲጠናቀቅ በሚቀጥለው ፳፬ ሰአት ውስጥ በሚገባ ደርቆ እስከመጨረሻው ያከትምለታል። ከዚህ በኃላ ያለው እንግዲህ ተፈጥሮ (ማዘር ኔቸር) ቅውሰት ካልሆነ የሰው ልጅ ጥበብ የሚችለውን ስህተቱን ለመቆጣጠር ሞክሯል ለማለት አስደፍሮናል። ምንግዜም በዚህ አደጋ የማንረሳቸውና ጠፍተው የቀሩትን የ፲፩ን ግለስቦች ሕይወት እያስታወስን የሚመለከታቸውን ሁሉ ከዚህ በመማር ለወደፊቱ አስፈላጊውን ጥንቃቄ እንዲወስዱ እናሳስባለን። ምን ያህል እዚህ አካባቢ እንደምንቆይ ባናውቅም የሚቀጥለው ስራችን ባካባቢው የሚገኙትን ተመሳሳይ የጥልቅ ውቅያኖስ የዘይትና ጋዝ ጉርጓዶችን (ሴፍቲ) ምርመራና ሪፖርት ማቅረብ እንደዚሁም የተፈጠረውን የአካባቢ ብክለትን የማጽዳቱን ሂደት መከታተል ይሆናል እንላለን።

የኛ አከራረም እንዲህ ሆኖ፤ እናንተስ እንደምን ሰንብታችኃል? የዳላሱ የኢትዮጵያ ኮሚኒትም ቤቴን አላጸዳም በማለቱ፤ እንደወትሮው ሲለግሱት የኖሩት የአካባቢው የንግድ ሕብረተሰቦች ለዘንድሮው የወያኔ ኢትዮጵያ ቀን በአል (ስፖንሰር) እርዳታ አናደርግም በማለት አድማ መተውባቸው ፣ የዝግጅታቸውን ብዛት ቁጥር ከመቀነስ አልፈው ወደ መሰረዙ እየተቃረቡ ነው ብለው የውስጥ አዋቂዎች ገልጸውልናል። ቃል የገቡላቸውም ስማቸው በገጻችን እንዳይወጣ በመስጋት ምክንያት እየፈጠሩ በማሸግሸግ ላይ ናቸው። እኛ አሁንም ደግመን የኢትዮጵያ ተወላጆችና ወዳጆች ሁሉ የዚህ የወያኔ ቀን በአል ላይ በማንኛውም መንገድ እንዳይተባበሩ ጥሪያችንን እናቀርባለን ! ! ! ! እናተርፋለን ብለው ቦታ በመከራየት ለመነገድ (ቬንደር ለመሆን) አሳብ ያላችሁ ወይም የከፈላችሁም ብትሆኑ ሙሉ ገንዘባችሁን አስመልሱ አንድም ለመክሰር ሌላውም ለወያኔ ሎሌ መሆን ነውና ጥሪያችንን በማስተዋል ተቀበሉ።

ማንኛውም የኮሚኒቲው አባል የቀብርም ሆነ ማንኛውንም እርዳታ በነጻ ከኮሚኒቲው የማግኘት መብቱን የሚከለክል ምንድን ነው? በነተፈራ የተሰነጸውና ባጫፋሪዎቻቸው የተመሰረተው እድር አባላት ያለውዴታ በግዴታ ለኮሚኒቲው አባልነት በአመት የ፵ ብር ክፍያ ለምን አስፈለገ ? ቢያንስ የአካባቢው የኮሚኒቲው ነዋሪ ቁጥር ከ፵ ሺህ በላይ እንደሆነ የሚገመተው እድሩ አቀፈ የተባለው ቁጥር ፬፻፳ አካባቢ ሲሆን ፬ ከ፻ እጅ በታች ብቻ ለምን ሆነ? ከዚሁ ውስጥ ስንቱ ነው ወደፊት እድሩን የሚለቀውስ ወይንም እንለቃለን ያለው? ለምን በጣት የሚቆጠረው የነተፈራና መሰል ቡድን በኮሚኒቲው ድርጅት ላይ የጠነሰሱት የሚፈልጉትን ያህል ቁጥር ማግኘት ለምን አቃታቸው? እነዚህ ግለሰቦች ለምን የተለያየ በስምና በቁጥሩ የበዛ ድርጅት አባልና መስራች ሆኑ? የኮሚኒቲውስ ሬዲዮ ለምን ማደግ አቃተው? ለምን ወገንተኛ የሆነ ብቻ አገልግሎት ይሰጣል? ማንስ ነው የሚቆጣጠረው? ገቢውስ ለምን የግለሰቦች ቦርሳ ይሞላል? ወዘተ…..ብሎ የመጠየቅና መልሱን የመሻት የሕብረተሰቡ መብትና ግዴታ ነው እንላለን።

ወደ ቤተ ክርስትያን ደግሞ ዞር ስንል ፣ ባለፈው ጥሑፋችን ስለ ዳላሱ ቅዱስ ጊዮርጊስ ቤተ ክርስትያን በቂ ጽሑፎች በጃችን ስላልገቡ አሁንም የናንተን ተሳትፎ እንጠብቃለን። በሌላ በኩል ደግሞ እንተራረቅ ብለውና እናስታርቅ ያለው በሰሜን አሜሪካንና በአዲስ አበባ መካከል ሲንቀሳቀስ የነበረው በአዲስ አበባው ሲኖዶስ እንዲሁም በስደተኛው ሲኖዶስ መካከል እንቅፋት እንደገጠመው ተነገረ። ከአስተባባሪው ወገን ባንሰማም ሁለቱም ወገን ሲኖዶስ ነን ወይም ወካይነን የሚሉት የበኩላቸውን መግለጫ ማውጣታቸውን ስንገነዘብ፤ ስብሰባቸው የታቀደው በመክሊን ክፍለ ከተማ በሰሜን ቨርጂንያ ግዛት ውስጥ በሚገኘው የሒልተን ሆቴል ውስጥ እንደነበር የተያያዘው ዜና ያስረዳል።

ከዚሁ ሳንወጣ የዳላሱ ርዕሰ አድባራት ደብረ ምህረት ቅዱስ ሚካኤል ካቴድራልም ባለፈው እሁድ ከከሳሾች ጋር የወገኑ የቀድሞ የቦርድ አባላት ተገኝተውበት የነበረውና ጥቂት ግለሰቦች ለቤተ ክርስትያኑ ተቆርቋሪ ነን ያሉ፤ አስታራቂ ብሎ ራሱን የሰየመው የረፈደበት ፖለቲከኛና ኢህአፓ በነበረበት ወቅት በእጁ በንጹኃን ወገኖቻችን ደም ታጥቧል የሚባለው ግለሰብ በሊቀ መንበርነት የተመራው ስብሰባ ያለ እልባት ሲበተን የሌላ ጌዜው ቀጠሮ የመርፌ ቀዳዳ ያህል የጠበበ መሆኑን ለመረዳት ተችሏል። ከደብሩ በኩል ነን ያሉትም ግለሰቦች አቋምም ለግምገማ እንዳበቃቸውና መላ ምዕመናኑን የሚመራው፣ የተለያየ የሕብረተሰቡን ክፍል ያቀፈውና በሚሰራውም ስራ አኩሪ ድልን ያስመዘገበው፣ ከቀን ወደ ቀን ፍቅርና አክብሮትን እያተረፈ የመጣው ፣ ቤተ ክርስትያኑን ከአደጋ የተከላከለውና መጠሪያ ስሙ “የሚካኤል ሰይፍ“ የተባለው ቡድን አካባቢ ከደረሱን መረጃዎች ተረድተናል። በሌላ በኩል የወገኑት ደግሞ የቀድሞ ቦርድ አባል ውስጥ የጠቅላይ ሚኒስትር መለስ ሚሰት አክስትና ከወያኔ ሎሌ የጌታቸው ትርፌ ሚስት ፈትለወርቅ ዘመዷ ባልና የቀድሞው ቦርድ ጸሐፊ ኃይሉ አራጋው ፤ ቀድሞ ሊቀ መንበር እንዲሁም የተለያየ የግብረ ሰናይ ድርጅት በማቋቋም በወገናችን ስም የሚነግዱ ፣ ቀዳዳው ሙላው ከነቀይ ሰይጣን ጓደኛው እንዲሁም አባል ያልሆኑ አጫፈሪዎቻቸው ነበሩበት። ከነዚህም ውስጥ ካሱ ወይም ቢራቱ የተባለው አንዴ ኦርሞ አንዴ የጉራጌ ፖለቲከኛ ልክ እንደ ቢጤው ተኩላው ተኮላ የትላንቱ ጸረ ኦርቶዶክስ ከነሚስቱ ሲፈልግ የሚጰነጥጥ ፣ አሁን ደግሞ የቤተክርስትያን ውስጥ ለነገር ያነፈነፈ ፣ የጓደኛውን የተኩላውን ስራ ለመስራት የቆመ ፣ የ(ካውንቲ ኬዝ ወርከር) ሀይማኖታችንን ለርሱ የስራ ማረጋገጫ (ረዙሜ) ለማድረግ የሚንቀሳቀስ ወዘተ…….. ማለት ይቻላል። በዚሁ ስብሰባ ላይ ኃይሉ አራጋው አፍን በወያኔው ሎሌ ላይ አንዛርጦ ለይቅርታ የግር መሳም ያህል ለትዝብት ራሱን አብቅቷል።

የተሰብሳቢዎቹ ማንነት በግልጽ የታውቀ ብቻ ሳይሆን አሁንም ደብሩን ለማድማት እንደሚቀጥሉበት ደግመው በዚሁ ስብሰባቸው ገልጸዋል። ከጽዋ ማህበርና ከዕቁብ በተግባሩ የተባረረውና በኮሚኒቲው ውስጥ ለአመታት በአጭበርባሪነቱ የታወቀው፣ ወያኔ ሳይሆን ነኝ እያለ የሚቀደደው ፣ ዋሽቶ የአሜሪካን ዜግነትን በቅርቡ ያገኘው ፣ አጭበርብሮና ታክስ ሳይከፍል የሚዘርፈውን ከሕግ ውጪ ከሀገር የሚያሸሸው ፣ በሜይ ፪ቱ የደብሩ ብጥብጥ ተዋናይ የነበረው፣ ጸረ ኦርቶዶክስ አቋሙን ደጋግሞ ማረጋገጡ ፣ እርሱ በደሙ የዋጃትን ቤተ ክርስትያን በተደጋገመ መንገድ ለአለም ፍርድ አሳልፎ የሰጠ ብቻ ሳይሆን አሁንም እከሳለሁ ገንዘብ አለኝ እያለ ሲደነፋ የተደመጠ ፣ የሰይጣን ማደሪያ የሆነ ፣ የሀይማኖታችን ጠላት ብቻ ሳይሆን የሕብረተሰባችን የለየለት ጠላት ስለሆነ ሁሉም ሊያገለውና ሊያርቀው የሚገባ ቀጣፊ ነውረኛ ግለሰብ መሆኑን ተገንዝበን በምንም አይነት መንገድ ከዚህ አይነቱ ግለሰብና ቤተሰብ ጭምር መራቅ ኢትዮጵያዊነት ብቻ ሳይሆን የሀይማኖታችንም ግዴታ መሆኑን እናስገነዝባለን ! ! አብሮ መታየትም ነውር ነው እንላለን ። በብዙ መንገዶችና ይቀርቡታል ባልነው ሁሉ አስመከርነው ፣ ተቸነው ፣ እርሱ ግን ባሰበት ፣ ከኛ አልፎ ሀይማኖታችንን ፣ ታሪካችንን ፣ ወገናችንን ብሎም ትውልድ ሀገራችንን በኖርበት ሀገር ብቻ ሳይሆን በአለም ደርጃ መዘባበቻ ያስደረገ፤ አሁንም ደብሩን እከሳለው ብሎ የተነሳ ፤ ለዳላስና አካባቢው የኢትዮጵያ ተወላጆችና ወዳጆች ሁሉ ብርቅዬ ምልክት ብቻ ስይሆን ሀይማኖት ፣ ጎሳ ወይም ዘር ሳይለይ መመኪያና መኩሪያቸው ላይ የተነጣጠረ ታላቅ ጥፋት መሆኑን ተገንዝቦ ሕብረተሰቡ ከዳር እስከ ዳር በመነሳት በሕብረት ማግለል እንዳለበት ጥሪ እናቀርባለን !!!

እርሶስ ምን ይላሉ?