ካለፈው የቀጠለ፣

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና! ማሳሰቢያ፡


ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።




እንኳን ለብርሀነ መስቀሉ በሰላምና በአንድነት ሁላችንም አደረሰን። የመስቀሉን ምስጢር ለተረዱት ሁሉና እውነተኛውን መስቀል ያገኙት መስቀሉ ወደ ቀናውና እውነተኛው መንገድ ሲመራቸው ፣ሌሎችን ግን አውቀውም ሆነ በግድፈት የተሳሳተውንየማይፈውሰውንና ኢክርስትያናዊ የሆነውን፤ የእነዚያን የሁለቱን ህግ አፍራሽና ከጊታችን ከቤዛችን የአለም መድሀኒት ጎን የተሰቀሉበትን መስቀል ተሸክመው  በደሙ የዋጃትን ቤተ ክርስትያን ከሚተናኮሉ ይጠብቀን።


ካለፈው የቀጠለ፣


ወደ ጀመርነው ስንቀጥል፤ እኛም ሆነ ልጆቻችን ከሀይማኖታችን ጋር ያላችውን ግንኙነት ከብዙ በጥቂቱ ለመዳሰስ እንደሚቀጥለው እንሞክራል።

በዚሁ የምዕራቡ ሀገር የተወለዱ ወይንም ያደጉ ወጣቶቻችን ከቤተክርስትያን አካባቢ ለምን አይታዩም? እነርሱስ የቤተክርስትያናችን ቀጣይነት ይረከባሉን? በማለት መንደርደሪያ ብናደርግ ወዴት ያለ ግምገማ ያደርሰናል?

የዛሬዎቹ ወጣቶች እዚሁ ተወልደው፣ እንደ ስርዐታችን በክርስትና ተጠምቀው አልያም እዚሁ አድገው፤ ተገደውም ሆነ ወደው  በእለተ ቅዳሴ ቁርባን ሲቀበሉ ለምስክርነት በቅተናል።የቀደሙት ወዴት አሉ? ያደጉበትንም ቤተ ክርስትያን የሸሹ ለምን ሸሹ? የአሁኖቹስ የነሱን ዱካ ይከተሉ ይሆን? ብለን ብንጠይቅ ፣ የመጀመሪያ ከቤተ ክርስትያናችን ለልጆቻችን እንደሚስማማ ሆኖ አለመቅረቡ ሲሆን ሌላው ምክንያት የኛው የወላጆች ቸግርን አገናዝበን ለመመልከት እድሉን ተጠቅመንብበት ቢሆን ለዚሁም ቀና አቀራረብ ብናደርግ ከዚህ ወቅታዊ ጥያቄ በልገባን ነበር። ግራ አልንም ቀኝ ከሀላፊነቱ ተጠያቂነት ወዴትም ማፈግፈግ አንችልም። ምናልባትም የመረጥናቸው አስተዳደር ኮሚቴዎች ድክመት ብለንም ልንቀባ መሞከርም ፍጹም ስህተት ነው። ተመራጩም ሆነ መራጩ  ሌላውንም ምዕመን ጨምሮ አንድ ወጥ የሆነ አቀራረብን መፍጠር የግድ ነውና መንፈሳዊ አገልግሎት የሚሰጡትም አባቶች የነባራዊ ሁኔታን ተገንዝበው  እቅዱ  እንዲጣጣም  የስኬታማነት ሚና ይጠበቅባቸዋል።እንደ ትውልድ አገራችን የመሰለ ቀጥተኛነት ያለው  ግልባጭ (ኮፒ) ኑሮ እንደማንኖር ሁሉ ለተተኪው ትውልጃችን እንደ ሀገሩ ነባራዊ የሚጣጣም አቀራረብ በማድረግ እየጠፉ ያሉትን ወጣቶቻችንን የመቅረብና አስተምሮ ማመቻቸት የወቅቱ ግዴታ በጫንቃችን የተሸከምን መሆኑን ከሁሉም በላይ የመተግበር ኃላፊነታችንን መውጣት ግዴታችን መሆኑን ልናናስገነዝብ እንሻለን።

ዳላስ በኖርንበትም ሆነ እድሉን አጋጥሞን የኢትዮጵያ ኦርቶዶክስ ተዋህዶ እምነት ተከታይ የሆኑ ቤተ ክርስትያን ባሉበት ከተማዎች በቆየንበት ወቅት የግላችን የሆነ ጥናቶችን ወስደን ነበር።በህጻንነታቸው ድቁናን ወስደው የቀጠሉበት በአሀዝ ማስቀመጥ ባንደፍርም አብዛኞቹ ከቀሳውስቱ ቤተሰቦች ውስጥ ይገኙበታል። በተረፈ ከምዕመናኑ ልጆች ያገኘነውን አሀዝ አለ ብለን ለማለት ከኛ የተሻለና የተሟላ ጥናትን ይጠይቃል።

በሌላ በኩል ወጣቶቹን በማነጋግር ያገኘው  ውጤት ደግሞ ልብ የሚነካ ቅሬታቸውን ነበር።
እንደ ምሳሌ ለመጥቀስ ካስፈለገ፤ ወላጆቻችን ቀዳሚትን ይሰራሉ። እለተ ሰንበትን በማለዳ ቀስቅሰውን ቤተ ክርስትያን ይወስዱናል እንደደረስንም በማይገባን ቋንቋ ቅዳሴ ተብለን እንቅልፋችንን ሳንጠግብ ቁመን እናረፍዳለን፣ ቁረቡ እንባላለን፣ ምግብ ሳንበላ አናረፍዳለን፣ ከዛም  ዳቦ ቀምሰን ወደ ቤታችን ወይም ማህበር ብለው ወይም ድግስ ይወስዱናል፤ እነሱ ብቻ ራሳቸውን ያስደስታሉ፣ ቀኑን በዛ አሳልፈን ለሚቀጥለው የትምህርት ቀን ይጀመራል፤ ከወላጆቻችን ጋር የምናሳለፈው የሳምንት መጨረሻ መራራ ነው፣ የትምህርት ቤት ጓደኞቻችን ምን አድርገው እንዳሳለፉ ሲነግሩን እኛ ግን የተለየ ስሜት ነው የሚያድርብን ስለዚህም ዕድሜያችን ሲደርስና ማመዛዘን ስንጀምር ከነሱ ጋር ሰንበት ላለማክበር ሁኔታዎች ያስገድዱናል በዚያው ጨርሰን እንቀራለን።

ሌሎቹ ደግሞ በኛ እድሜ እንደምንኖርበት ህርገር የሚያስተካከል እኛ በሚገባንና ሊጣጣም በሚችል መልክ ቤተ ክርስትያኗ ያዘጋጀችልንትምህርትም ሆነ አስተማሪዎች የሏትም ፤ ወላጆቻችንን ግዴታ ብቻ መወጣት በእድሜአችን ግድ ስለሆነብን እንጂ የነሱን ህይወት ያሳለፉበትን በግዴታ(ረፕሊካ) እንድንደግም አሊያም የኔ ልጅ ከነቶኔ ልጆች አያንስም በሚል የትምክህት ዘይቤ ስለሆነ የልጅነት ዕድሜያችንን ስለቀሙንናስለገፈፉን ፊታችንን አዙረናል ያሉንን ተገንዝበናል። ሊሎችም በጓደኞቻቸው ተጋብዘው በሄዱበት የሌላ ክርስትና ዕምነት ተማርክው የራሳቸውን የጠሉና ወይንም ወደ ባዕዱ የገቡትንም አይተናል። የናንተንም የሜይ ፪ቱን ብጥብጥ የተመለከቱ ወይንም የሰሙ  አዝነውም ሆነ አፍረው ፤ በተለይም በትምህርት ወይንም በስራ ላይ ያሉትም ወጣቶች በሚቀርብላቸው ጥያቄ እንዲ ለዩ ምክንያት ያረጉትንም አግኝተናል።እድሜቸው የሚጠይቀውን የተቃራኒ ጾታ ጓደኝነት እንዳይኖራቸው የስጋ ዝምድና የሌላቸውንም ሁሉ ዘመድህ ወይንም ዘመድሽ እያልን ስለምንነግራቸው በዚያው አድገው ሲደርሱ በዚያው ይጠፋሉ።ሌላም ብዙና ከዚህም በአሀዝ የሚዘረዘሩ ነጥቦች ይኖራሉ።

እንግዲህ ወላጆች፣ የሀይማኖት አባቶች፣ ምዕመናንና የነዚሁ የእድሜ ክልል ውስጥ ያሉና ከቤተክርስትያን ውስጥ የቀሩትን ወጣቶቻችን የጨምረ አንድ ወጥ ያለው አቀራረብ የሚወስድ ጥናትና ጉባኤን ማካሄድ የግድ ነው። ቤተክርስትያኗን አታስተምርም ብለን መናገር አንችልም። ነገር ግን ለምዕራቡ ሀገር ለሚኖሩት ተተኪዎቻችንከስር ጀምሮ እስከ አዋቂ እንደ እድሜው የሚስማማ አቀራረብ መንደፉ በተለይም የኢትዮጵያ ኦርቶዶክስ ተዋህዶ እምነትና ሥርዐትን በተመለከተ የአባቶች መልካም ፈቃድና ብቃትን የሚጠይቅ በመሆኑእነሱኑ መማጸን የግድ ነው። ከዚሁ ጋር ተያይዞ ከምዕመናንም ሆነከአክራሪ አባቶች የከፋ ነቀፌታን እክል ሊገጥመው ስለሚችል ጥበብ የተሞላበት አቅርቦት እጅጉን ወሳኝ ነው። እንደ ቤተ ክርስትያኖቻችን አሀዝ ብዛት ቤተክርስትያኖቹ ውስን አገልግሎት ብቻ ሲሰጡ ነው የሚገኙት። ተከታዮቹ ወይንም ምዕመኑ ባጠቃላይ የኢትዮጵያ ተወላጆች ወይም ዘር ያላቸው ብቻ ናቸው ብለን አፋችንን ሞለተን በእርገጠኛነት ለመጥቀስ የሚገፋፉን ሂደቶች አያሌዎች ናቸው። ባለበት ከቀጠለም እድሜና የምዕመናኑ ቁጥር ውስን ሆኖ እንዳይቀጭ  እያሳሰበን ይገኛል። እንደምናየው ከሆነበአንድ ከተማ ከአንድ ቁጥር በላይ በተከፈቱ ቤተክርስትናት አንዱ የሌላውን ምዕመን ወደእርሱ ለማምጣት እንጂ ሀይማኖት የሌላቸውን ወይንም የሌላ እምነት ተከታዮችን ብሎም የኢትዮጵያ የዘር ሀረግ የሌላቸውን ወደ እምነቱ እንዲመጡ  የማድረጉ እንቅስቃሴ ወይንም ማስፋፋቱ ላይ አይታዩም። ለዚሁም የሚስማማ ጥራትና ብቃት ያለው አቀራረብ ይጎላቸዋልና ለተተኪ ትውልዱ እንደዚሁ መቀረጽ ያለበት ነው።

ይኽንኑ የእምነቱን ቀጣይነት በተመለከተ በቂ ጥናቶችን በሰፊው ያካተተ መርሀ ግብር መንደፍ ወርዶ ያለውንና የከበበውን ጉም ሊያጠፋ ባይሆን ሊቀንስ የምያስችልና ባስቸኳይ የሚተገበር መሆን ይገባዋል። የቤተክርስትያኖቹን አመራር  የጨበጠውም አካል ይህንን ለመተግበርና ለማመቻቸት ወቅቱ ዛሬ መሆኑን የመገንዘብ ግዴታቸው መሆኑንእናሳስባለን። እኛ ለህይማኖታችን ቀጣይነት ስንቆም በሌላ በኩል ደግሞ አንድ ሀይማኖትና ዕምነት አለን ብለን ራሳችንንየምናስቀምጥ ደግሞ ፈሪያ እግዚሀብሔር መንፈስ በውስጣችን ሰርጾ፣ የተለያየንና የተከፋን፤በመካከላችን ያለውን ልዩነትና ፍልሚያ ከራሳችን አውጥተን ልዩነታችንን አጥፍተንና ያሉብንን የግል ፍላጎታችንን አስወግደንይቅር ለእግዚሀብሔር ተባብለን ቤተክርስትያናችንን ጠብቀንለተተኪዎቻችን የማሳለፍ ግዴታችንን ዛሬውኑ በመጀመር  መተግበር የወቅቱ አንገብጋቢ ነው።


እርሶስ ምንይላሉ?