የገደል ማሚቱ

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!

ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።



ሌላው ሸንጎ ሆነ የገደል ማሚቱ !

እንኳን ለቅዱስ ገብርኤል በዐለ ንግስ አደረሳችሁ ። በመካከላችሁ ተገኝተን የበዐሉ ተካፋይ ባንሆንም የደመቀ በዐል እንዳሳለፋችሁ ወዳጆቻችን በስልክ አውግተውናል ። እኛም በቦኒ ምክንያት ደረቅ መሬት ቆይታችንን ጨርሰን ፣ ቦኒ ምን ሰርታ አለፈች የሚለውን ቅድሚያ ግምገማ አጠናቀን መረጃችንንም ሰርተን ጨርሰን ነው ለዚህ ጥሁፍ የበቃነው ።

በዐላችሁ የደመቀ ከመሆኑም ባሻገር አሁንም በጣት የሚቆጠሩ ቅሬታቸውን ያልተው ወይንም …… ተስተውለዋል ። ለምሳሌም ሸንጦት ከበሮ እንዳይመታ ወይንም አምላኩን በከበሮ እንዳያመሰግን የኪዳኔ ምስክር ሚስትና ግምባር ቅደም ከሳሽና በፍርድ ቤት ከ2 ጊዜ በላይ የተረታች ጥሩአየር የተባለችው አሁንም ይግባኝ ብላ ደብሩን ፍርድ ቤት ያቆመችው ፣ ባለቤታን ከበሮ ለማስጣል ዛቻ ስታደርግ በአካባቢው የተገኙትን ምዕመናን ሁሉ ያስገረመ ትርዒት መሆኑን ስንሰማ እኛንም ገርሞናል ። ከዚህም አልፎ እንደ ልቧ ወደ ወጥቤቱ በመመላለስ እዚያ ውስጥ የሚያገለግሉትን እህቶች ስታሳቅቅ ማርፈዷን ከስፍራው የደረሰን ስለሆነ ፣ ቦርዱ በጉዳዩ ላይ መክሮ እንደ እርሷ አይነት ደብሩን የከሰሱት ላይ ማእቀብ መጣል ወይንም በሕግ እርምጃ ማስወሰድ ግዴታው ነው እንላለን ።
እንደዚህ አይነቶች ምክንያት ፈላጊዎችና ነገረኞችን በቅጡና በሩቁ ካልሆነ እስካሁን በፍርድ ቤት ያላገኙትን ዐይን አውጥተውና ደፍረው የከሰሱትንና ያሳዘኑትን ደብርና ምዕመን ንቀው ፣ እንደዚሁም ክሳቸውን ሳያቆሙና ንስሐ ሳይወስዱ መካከል መግባታቸው ሌላ ችግር ለመፍጠር መሆኑ የመንኮራኩር ጠበብትነትን የሚያስፈልገው ስላልሆነ ምዕመናኑም ሆነ ቦርዱ ሊመክሩበትና ቅድሚያ ትኩረት የሚያሻው ጉዳይ ነው እንላለን ።

ከዚሁ ሳንርቅ የኮሚኒቲው ሬዲዮ አቅራቢዎችና ወጋኞቻቸው የኛንና የናንተ የውድ አንባቢዎቻችን ብቸኛ ድህረ ገጻችንን ተቆጥተውባት የሚችሉትን ሁላ ሲጥሉባት ቆይተው ሰአት ስላልበቃቸው ለሌላ ጊዜ በቀጠሮ መዛታቸውን ስንሰማ እሰየው ለዛሬ ከተረፍን አላልንም ፣ እናንተም ቤታችሁን አጽዱ ነው ያልነው ። ያሉትንም ለመስማት ወደ ድህረ ገጻቸው ገብተን የእለቱን ሬድዮ ፕሮግራም በኢንተርኔት ብናገኝ ብለን ወደዚያ የሚመራን ወይም የሚጠቁመን በማጣታችን መልሰን ወደ ወዳጆቻችን ደወልን ። እነርሱም አዲስ ሞል የሚባል አለ ብለውን ያገኘነው http://www.hswebsite.com/Radio.html ሲሆን ያቆመው በ01/03/10 ። እንግዲህ እነ ጋሽ ዘውገ ዳላስ ያወራችሁት ለራሳችሁ ብቻ ስለሆነ በስማ በለው ባገኘነው ምንም እንኳ ምንጮቻችን የታመኑ ቢሆንም የሰበቃችሁትን ጦር የደሎደመ መሆኑን ከዚሁ እንገልጽላችኃለን።

አሁንም የወያኔ ሎሌ ክምችት የሆነ ድርጅት መያዛችሁን አረጋገጣችሁ እንጂ በዚህ ጉዳይ ዙሪያ በገጻችን የዘገብነውን ነጥብ በነጥብ ልታስተባብሉ አልሞከራችሁም ። ለነመንግስቱም ሆነ ደጀኔ አስተያየትም ቢሆን እኛ ኢንስቱትዮች ይጥፉ ብለን አላልንም ፣ አሁንም ወደ ገጾቻችን ከበልብ ጎራ በሉ እንላለን ። ከዚህ ከመድረሱ በፊት ኮሚኒቲውን በገጻችን በቂ ጥሪ አድርገንላቸዋል ፣ አልሰሙንም ! አሁንም ሩቅ አይደለም ። የሕብረተሰቡን ጥያቄ እስካሁን ማስተናገድ ደረጃ ኮሚኒቲው ያልበቃውና ሊያድግ ያልቻለው ፤ ሁሉን ሊያቅፍ ያልበቃው ለምንድን ነው የሚለውን ጥያቄ ለማስተናገድ እራሳችንን የምንጠይቀው “ ከዳላስና አካባቢው አትዮጵያዊና የኢትዮጵያ ተወላጆች ቁጥር ስንቱ እጅ ነው አባልነቱን ጠብቆ የሚከፍል የድርጅቱ አባል?” የሚለውን ጥያቄ መመለስ
ከቻልን ብዙዋኑን ያቀፈ እስከሆነ እኛም የምንለው አይኖረንም ። ከዚህም ቀጥለን ያለውን የድርጅቱን መተዳደሪያ አንቀጽ እስቲ አብረን እናንበው፡-
6.3 BOARD OF TRUSTEES (BOT):

6.3.1 A special Board of Trustees will be established to assist, guide and monitor the efforts associated with the campaign to raise funds and other activities in supporting the MAAEC (Building Committee, Famine relief, Radio etc.)

6.3.2 The five members of this Board of Trustees will be drawn from the larger Ethiopian Community, U.S. Citizens ( who are friends of Ethiopia and interested to provide leadership and guidance in areas of legal, financial and logistical issues), and other interested parties.

6.3.3 The BOT will work closely with the MAAEC Board to make sure that the funds for the planned Community Center are kept in a separate account and are used for that purpose only.

6.3.4 The BOT will have the legal authority to reside over the Board members and staffs to act as a monitoring agency over any issue within and without the organization.

6.3.5 The BOT disputes among the officers and others as needed

6.3.6 The BOT acts as a sounding board for new or pressing issues

ይህንን ያልነው ወጋኞቹ ጠቅሰው ከኛ ድህረ ገጽ ያወጉትን አጠፋ ለመመለስ ሳይሆን ይህን የመሰለ የመተዳደሪያ አንቀጽ በዳላስ የኢትዮጵያ ኦርቶዶክስ ተዋህዶ ርዕሰ አድባራት ደብረ ምህረት ቅዱስ ሚካኤል ካቴድራል ለማስቀመጥ ባለፈው ጥቂት አመታት ተሞክሮ ያደረጉት ግለሰቦች ስውር ድርጊት መሆኑን የተገነዘብን ስንቶች ነን? እነዚህ ግለሰቦች እነማን ናቸው? አሁንስ ምን እያደረጉ ነው? አውቆ የተኛን መቀስቀስ ባይሆንም የነቁት ግን የነዚህን ግለሰቦችና ቤተሰቦች በተለያየ ስም የከፈቷቸውን የግብረ ሰናይ ስሞችን ለማወቅ በዘመኑ ጥበብ በመረዳት ኢንተርኔታችሁን ቃኙበት እንላለን ። ይኼ ቦታ በመተዳደሪያው የተቀመጠው ለማን ይመስላችኃል? ማን ሊጦርበት ነው? በ3.3 ጀምሮ ያለው አንቀጽ ሙሉ መብት ከማንም በላይ የሚስጥና (ሱፕሪም ፓወር) እንደተፈለገ ሕጉንም መለወጥ (ቴክኒካል) መንገድ የሚከፍት ነው ። እነዚሁ ናቸው ቤተ ክርስትያኑን ያበጣበጡ ብቻ ሳይሆኑ አሁንም ያልተቆጠቡ ግለሰቦች ያልናቸው ። የመረጃውም ማህበር በቅርብ ከቤተ ክርስትያኑ ጋር ለረጅም ጊዜ አብሮ የተጓዘ ቢሆንም በነዚሁ መሰሪዎች የኃላ መሪነት በፈጠሩት ችግር ዛሬ ሆድና ጀርባ ናቸው ።

በቤተ ክርስትያኑ ውስጥ በተፈጠረው ችግር በተሳታፊነት ሚና የተጫወቱት የዚሁ ድርጅት የቀድሞ ቦርድ አባላት አሁንም ላሉት ቦርድ አባላት እንደ አባት አሳዳጊና መካሪ ብቻ ሳይሆኑ ተደማጭነታቸው የላቀ ነው። የሬዲዮ አቅራቢዎቹም የገደል ማሚቱ ናቸው። ሁሉም ይቅርና ለሕብረተሰቡ ቆሜ አለው የሚለው ይኽ ድርጅት ፣ በዐይነቱና በድርጊቱ ተወዳዳር ያልተገኘለትን ፣ በሚንቀሳቀስበትና መንበሩ ባደረገው ከተማ ፣ በራሱና በወገኑ መካከል ተደራጅተው (ኦርጋናይዝ ክራይም) በሜይ 2 በቅዱስ ሚካኤል ደብር የተፈጠረውን ብጥብጥ ያላወገዘ ፣ ያልኮነነ ፣ መግላጫም ያላወጣ ድርጅትና ሬዲዮ ዘጋቢውንም ጨምሮ ለኢትዮጵያ ኮሚኒቲ ነው የቆምኩት ፣ ስሜን በገጻችሁ ተቻችሁ ብሎ የኛን ገጽ መንካቱ ማፈሪያ እንዳያደርጋችሁ ! ያ በአለም የተሰራጨው ቪዲዮ ሀይማኖትን፣ ዜግነትን፣ ሀገርን፣ ማንነትን፣ ወዘተ…….. ያዋረደ፣ ያቆሰለ ፣ ያስደፈረ ፣ ወዘተ …….. ድርጊት አፍንጫችሁ ሥር ከመፈጠሩ በፊትም ሆነ በኃላ ተሳትፍዎቻችሁ ምን ነበር ? እርምጃዎቻችሁስ ? በዛ ቪዲዮ ተወናዊያኖቹ እነማን ናቸው? ወያኔ እህትማሟቾች ፣ የጳውሎስ ሎሌ ምናሴ እህት ፣ ባሏ ሀዋዝ ለፎክስ ዜና ያቀናጀው፣ ባለቬዲዮው መስፍንና ግብረ አበሮቻቸው፣ ወዘተ……አሁንም በቤተ ክርስትያኑ ላይ ክስ አስተባባሪዎች የናንተው ቀድሞ ሊቀ መንበር ተፈራ ፣ በትሩ፣ ወዘተ……. ማለት ብዙ ይቻላል ። እኛ ብቻ ሳንሆን ሌላም ገጾች በመረጃ ያቀረቡት ብዙ ጉድ አለ ። እኛ እነዚሀን ግለሰቦችን ቀባሪ እንዲያጡም አንፈልግም ! ጥሩ ሲሰሩ እውቅና ከመስጠት መጥፎውንም ከመጠቆም ወደ ኃላ አንልም ። የሰሩዋቸውም ጥሩ ነገር የሉም ባንልም መዘገብ ከጀመርንበት ወቅት የሚጎዳኘውን ከወቅቱ ጋር ያለውን እንጂ ። አሁን በሬዲዮ የምትሉትን ከስማ በለው ይልቅ በመጣፍ መስመር ብንገናኝ ብዙ ለንማማር እንችላለን ። ብዙዎችንም የአካባቢውን ሕብረተሰብ እናሳትፋለንና ። በቅን ከመወያየት መተራረም ይቻላል እንላለን ። ምን ጊዜም ገጻችን ሊያስተናግዳችሁ ዝግጁ ነው ። በዚህ አጋጣሚ የናንተ ድርጅት ከሴቶች ማህበሩ ጋር ያለመግባባት አለ የሚባል ስለምንሰማ ከሁለቱም ድርጅቶች ወይም አባሎች መስማት እንፈልጋለን ? ያላችሁን ጣሉልን ጅምራችን ለቅን ነውና እንደአመችነቱ እንለጥፈዋለን ! ከቤተ ክርስትያኑም አካባቢ የምትሉት ካለ ጣፉልን?

እርሶስ ምን ይላሉ?