The Legacy of Shirley Sherrod

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!

ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።


The Legacy of Shirley Sherrod

እንደምን ከረማችሁ? እንደገና ወደ ደረቅ መሬት ለሁለተኛ ጊዜ በአየር ምክንያት ተገደን ብንወጣም ቀጣዩን ስራችንን ለማከናወን መመለሳችን እውን ነው። እስካሁን ድረስም ግፊቱን ችሎ የያዘውንና ዘይት ፍሳሹን ያገተውን ቫልቭ ለጊዜው ባለበት እንዲቆይ ፈቃድ መገኘቱ ፣ ከቀድሞው ሁኔታ አንጻር አሁን በትነት እየሰረቀ ያለው ጋዝ መጠን ፣ ለባህሩ ወለልና በውስጡ ለያዛቸው ፍጥረታት የሚያደርሰው ጉዳት እስከመጨረሻው በቁጥጥር ስር ማድረግና ይህንኑ የባህር ውስጥ የዘይት ማውጫ ጉርጓድ መግደል ወይንም መድፈን ብሎም የዚህ አደጋ ውጤት የሆነውን የአካባቢ ብክለት ማጽዳትና መልሶ ማቋቋም የሚቀጥል ተግባር ነው።

በአብይነት የጠቀስነውና የሰሞኑን የብሔራዊ መወያያና መተቺያ የሆኑት ወይዘሮ ሸርሊ ሽሮድ ታሪክና የዳላስ ቅዱስ ሚካኢል ቤተ ክርስትያን ውስጥ በሜይ 2 የተፈጸመውን የተቀነባበረ ወንጀል አስመልክቶ የዳላሱ ፎክስ ቻናል 4 እንደዚሁም ወንጀለኞቹ በዩትዩብ ያሰራጩትን ቪዲዮ ተቆራርጦ የተመልካቹን ግንዛቤ ለማሳሳት ሆነ ተብሎ ቤተ ክርስትያኑን እንዲሁም የአመራሩን አባላቱን ስም ክብርና ስልጣን ለመደምሰስ ፤ በዚህም አጋጣሚ ያሰቡትን በሕገ ወጥ መንገድ ስልጣን መያዝ ካልሆነም በተፈጠረው ግርግር ወንጀል ተፈጽሞ የቅድስናው ቦታ የወንጀል መድረክ በመሆን ደብሩ እንዲዘጋ ማድረግ ነው።  ይህ ድርጊታቸው ቀደም ብሎ በአስተዳደሩ በመታወቁ አስፈላጊው እርምጃ በመወሰዱና በሕግ አስከባሪዎች በቁጥጥር ስር በመዋሉ ቢከሽፍም ፣ ከሀይማኖታዊ መንፈስ ውጭ በመንቀሳቀስ የግል ፍላጎታቸውንና አላማቸውን ብቻ በመከተል የፈጠሩትን ግርግር አጋጣሚ በመጠቀም በሚያመቻቸውና ባገኙት መንገድ ሁሉ የሀሰት ፕሮፓጋንዳቸውን ይዘው በግልጽ በአለም ላይ ተንቀሳቀሱ ። የኢትዮጵያ ኦርቶዶክስ እምነት ሀይማኖት ተከታዮችን ፣ እምነቱን ፣ የኢትዮጵያ ተወላጆች ወገኖቻቸውን ፣ ኢትዮጵያንና የኢትዮጵያን ወዳጆችን እንደዚሁም የእምነቱንም አክባሪዎች ጨምሮ ክደውና አሳዝነው ለሕዝብ ሸንጎ አበቁት። ከዚያም አልፈው በሕግ ፍርድ ቤት አቀረቡት።

የወይዘሮ ሽሮድንም ሙሉ ታሪክ ካለማወቅ አክራሪና የኦባማ ተቀናቃኞች የሆኑ ወገኖች፣ ኦባማ እያስመዘገቡ ያለውን ብሔራዊ ተግባር ለማዘናጋት ከ25 አመት በፊት ወይዘሮዋ ከተናገሩት ውስጥ ነጥለውና ሰንጥቀው የተወሰነ ክፍል ብቻ ይዘው ወደ አደባባይ በመውጣት በአስተዳደሩና በግለሰቧ ላይ ዘመቻቸውን ከፈቱ። የአስተዳደሩም ሹማምንት በችኮላ የወሰዱት እርምጃን ተገንዝበው ለማስተካከል እይተፍጨረጨሩ ቢሆኑም የዜና ማሰራጫዎች በተለይም እነፎክስ ቻናልን የመሳሰሉት እንደተለመደው አሉታን ዛሬም በብሔራዊ ደረጃ አትርፈዋል ። ወደ ዳላስ ፎክስ ቻናል ስንመለስ ሆነ ተብሎ በሴራ የተቀነባበረ ዜና ፤ ብሎ የዘከረው ጋዜጠኛ ሸዋን የተባለው ግለሰብ ይህንኑ ከእውነት የራቀ ፣ ያልተሟላና ወገንተኛ የሆነውን ፣ በእምነቱና አማኞቹ ላይና ባጠቃላይ የኢትዮጵያ ተወላጆችና ወዳጆች ላይ ያነጣጠረውን ዜናውን አየር ላይ ከመውጣቱ ቀናት በፊት የተቀነባበረ ዘመቻና ማስታውቂያዎችን በቻናሉና በነዚሁ ግለሰቦች ደጋፊ በሆኑ ድህረ ገጾች ላይ ነበር የተካሔደው ። ከዚህም አልፎ በአየር የተሰራጨበት ሰአት ብዙ ተመልካች ይኖረዋል በተባለበት ብቻ ሳይሆን ደብሩን ለሁለተኛና በአዲስ ቡድን ስም ተቀነባብሮ የተከሰሰበት ቀጠሮ መደመጫ ዋዜማ ምሽት መሆኑ ቻናሉና ዘጋቢው ማንነታቸውን በግልጽ ያስረዳል ። ይኸው ክስም የተከፈተው የቤተ ክርስትያን አባል ባልሆኑና ራሳቸውን ከሀይማኖት ጋር ባልመረመሩ እንደዚሁም የሌሎች ሎሌና  ራሳቸውንም ለዚያ ያስገዙ ፣
ሀይማኖቱና የራሳቸውን ፍላጎት መለየት የተሳናቸው ፣  ወዘተ……. የሆኑ ግለሰቦች አሁንም መረዋ በተባለው ብሎጋቸው ይህንኑ ሁካታ የፈጸሙበትንና ለነሱ ዘመቻ ሲባል ብቻ ተቀንጽቦ የቀረበ ቪዲዮ አሁንም የሚያሰራጨው ማንነታቸውን በግልጽ የሚያሳይ እንዚሁ የታሪክ ፣ የሀገር ፣ የወገን ፣ እንደዚሁም የሀይማኖት አሽክላዎች ናቸው ። ከክስ ጉዳያቸው ጋር የማይገናኝ ይህንን ቪዲዮ ዳኛው በችሎቱ እንዲታይ ማድረጉና እነሱም ማቅረባቸው ስህተት ነው ።

ሌላው በቅርቡ የደረሰን ይኸው ጋዜጠኛ ተብዬው ሸዋን የተደበቀው ገጽታው ነው ። በዘከረው ዜና ላይ ካቀረባቸው እህትማሟቾች ሌላ የቀረበችዋ  የምናሴ (የጳውሎስ ሎሌ) እህትና ቧሏም ሀዋዝ አስረስ የተባለ የመኪና መጠገኛ ቤት ያለው ነው ። እንደሰማነው ጋዜጠኛው የዚህ መኪና መጠገኛ ደንበኛ ሲሆን ፣ ይህንን ትውውቅ አልፎ ሀይማኖታችንን ፣ ወገናኖቻችንን ፣ ባሕሎቻችንን ፣ ትውልድ አገራችንን ፣ ትሪኮችችንንና የወለድናቸውን እንደዚሁም የኛን ወዳጆችን ጭምር ያዋረደ ፣ ያጎደፈና ያሳዘነ ሪፖርትን እውነት አስመስሎ አስፈላጊውን ምርመራ ሳያደርግ በወገነኝነትና በጥቅም ተሰውሮ ያቀረበው ዘገባ ከወይዘሮ ሽሮድ ታሪክ ጋር ተመሳሳይ ነው ። በዚህ ጋዜጠኛ ላይ የሚመለከተን ሁሉ አቋምና እርምጃ መውሰድና ለሚመለከታቸው ሁሉ ማሳውቅ ግዴታ አለብን ። ይኸው ግለሰብም አቅርቦት የነበረውን የተዛባ ዘገባ የማስተካከልና ሁላችንም ይቅርታ የመጠየቅ ግዴታ አለበት ። ሰሞኑንም ወደ ጋርላንድ የተጠራችሁ እውነተኛ የቤተ ክርስትያን ልጆች ሁሉ ይህንን ለመርማሪዎቹ ማስታውቅ  ግዴታችሁ ነው ፣ እኛም ጥሪ እናቀርባለን?
ከዚህ ውጭ በዲኤፍ ደብልዩ ኢትዮጵያ ኮሚኒቲ ማህበር ውስጥ ተሰግስገው ያሉትን የወያኔ ሎሌዎችን የመመንጠሩ ስራ በሰፊው መቀጠል አለበት ። ማንነታቸውም በግልጽ እየወጣ ባሉትን ግለሰቦች ላይ በምርጫው በመሳተፍ እንድትንቀስቀሱ ይሁን። አሁንም በኮሚኒቲው እድር ውስጥ ለሚደረገው ምርጫም ከፍተኛ ተሳትፎ እንዲኖራችሁ ጥሪ እያደረግን ካለተሳትፎ ውጤት አይኖርም እንላለን ።

እርስሶ ምን ይላሉ?