ከምንጩ ሁነው ያላገኙትን ከውጪ ይረካሉን?

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!


ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።



ከምንጩ ሁነው ያላገኙትን ከውጪ ይረካሉን?

ከብዙ ውጣና ውረድ በኃላ የዘገየው ከባሕር በታች ያለውን የጥልቅ ውቅያኖስ የነዳጅ ሀብት ውጤት ማምረቻ ጉርጓድ ዛሬ ፻፶ ቀናት በላይ ያስቆጠረውንና በሜክሲኮ ጎልፍ የሚገኘው እንደዚሁም እኛንም ከዳላስ የመልቀቂያ ምክንያት የሆነን፤ ይህንኑ ጉርጓድ ለመጨረሻ ጊዜ ለመዝጋት (ለመግደል) ከቀናት ባሻገር በመድረሳችን ተደስተናል። የተወደዳችሁ የገጻችን ተከታታዮች እንደምን ሰነበታችሁ? የምትልኩልንን አስተያየቶችን ይደርሱናል። የምንለጥፋቸው ጥቂቶቹን ብቻ ነበር ነገር ግን አንዳንዱ አስተያየት የግል ፍላጎቶችን ብቻ የሚያንጽባርቁና ያነጣጠሩበትን አላማ እስክንገነዝብ መያዝን እየመረጥን ስለመጣን በዚህ እንደማትከፉብን እርግጠኞች ነን።

ወደ እርዕሳችን ስንመለስ፤ ከምንጩ ሆነው ያረኩትን ወይንም ምንጩን ረግጠው የሄዱትን ለመገንዘብ ስንሞክር የራሳችንን ግምገማ እንዲያስከፋቸው ፈጽመን አንሻም። ምንጩ ደርቆም አያውቅም፣ በጥባጭ ካለ እንደሚሉት ሆነና በጥባጩ ሆነና መንፈሱን ያልለበሰ፣ የበጠበጠውን እንኳን ማጥራት ያቃተው፣ ከፈጣሪ ይሆን መንፈሱን የተገፈፈው? ስልጣኑን ያላበሰው ልዑል እግዚሀብሔር ከሆነ ፤ አደራ የተሰጠውን የእረኛ ሀላፊነት በፈቃዱ ጥሎ፣ እንደርሱ ቢሆን ምንጩንም አድርቆ ፣ ባትሪዬን ጨረስኩኝ ማለት ምንኛ ፈጣሪንመክዳት ይሆን? ምንኛ አሳዛኝና አስለቃሽ ይህን? ከምንጩ ሳሉ ድፍርሳቸውን ችሎ ከልቡ ፈጣሪን አምኖና ተቀብሎ የነበረው ፤ ዛሬ የበርከቱ ትሩፋትን የበዛላቸውና ምንጫቸውን አጥርተው እየጠጡ የሚጠብቁት ምንኛ የተመረጡና የተመሰገኑ ናቸው።

በሌላ በኩል ምንጩን ያደፈረሱት የተጠናወታቸውን መጥፎ ምግባር እርሱ መዳህኒተ ዓለም ያስተምራቸው፣ ለነሱም ልቦና ይስጣቸው እንጂ አሁንም ከምንጩ ማደፍራስ ተግባር አላሰለሱም። ምንጩ እንዲደርቅ ወይንም ከመጀመሪያ በመግቢያችን እንዳሰፈርነው የጥልቅ ውቃያኖሱ የነዳጅ ጉርጓድ እስከመጨረሻው ለማዘጋት በቡድን በመሆን በተለያየ አቅጣጫ ቢዳክሩም፤ እርሱ ራሱ በደሙ የዋጃትን የእነቶኔ ሴራ በየደረጃው እየከሸፈ ተንኮላቸውም እጅጉን እያራቃቸውና እያረከሳቸው ይገኛል። በረከቱንና ሰላሙን ስለነሳቸው በምንጩና በዙሪያው ተሰልፈው ለማደፍረስ የመጨረሻ ምዕራፋቸው ላይ ናቸው። እውነትም መንገድም እኔ ነኝ ያለውንና ምንጩንም ባርኮ ያከበረውን ፈጣሪ ስራ የማን ፍጡር እውቀት፣ ሀብት ወይስ ልብ ነው የሚያሸንፍ? ምንኛ ትዕቢት ያለው ነው በፈጣሪው ላይ የሚጠራራ? እውነትስ ፈጣሪውን ያውቃልን? እውነትስ ከልቡ አምኖ የተጠመቀና ልዑል እግዚሀብሔርን የተቀበለ ነውን? ስንትስ ጌዜ ነው እየወደቀ የሚነሳ? ስንትስ ጌዜ ነው በይቅርታ የሚመለከተው? መቼ ነው ለስራው መጥፎ ተግባርና ምንጩን እያወከ የሚቀጥል? አቤቱ ከቁጣህና ከቅጣትህ ሰውረን ምህረትህን ስጠን።

በዳላሱ የቅዱስ ሚካኤል ደብር ላይ ቦድነው ያሉት ጥቂት ግለሰቦች ከሳሽና አስከሳሽ ብቻ አይደሉም፣ እኛ ካልመራነው (እኔ ከሞትክ ያለችው አህያ) ፣ እግዚሀብሔር የፈቀደውን እንዳስቀመጠ ሁሉ የእርሱን የማንሳት ሀይል የሳቱ፣ እርስ በራሳቸው ተመራርጠውና ተሻሽመው የጠነሰሱት ፣ እሱን ከማስቀደም ይልቅ እራሳቸውን ለግል ፍላጎታቸው ያስቀደሙ፣ የተለያየ ክሶች በተለያየ ጊዜ በቤተ ክርስትያኑ ላይ እንዲከፈቱና በዚያም ባለው ወጪ እንዲዳከም ብሎ እንዲዘጋ ፣ የሀሰት የሰላም ዘንባባ አንግበናል የሚሉና አመራሩን አምባ ገነን ብለው የሚቀቡ፣ እነሱ ተክለው ካሳደጓቸው የቤተ ክርስትያን ከሳሾች ጋር ክሳቸው እልባት ሳያገኝ እንዲነጋገሩ የቆሙ፣ ወዘተ…….. ደጋግመው በገጾቻቸው የሚያወጣቿው በቂ ማስረጃዎች ናቸው። ለምን አርዮስ እንዲለይ ተደረገ ብለን እራሳችንን ጠይቀን ለመረዳት መሻት ይገባናልና ለነዚህም እርሱ ልቦናቸውን ለውጦ መክሮና አስትምሮ ከምንጩ ይመልሳቸው፣ የተትረፈረፈውንም ከምንጩ የሞላውን እውቀትና በረከት ለመሳተፍ ያብቃቸው እንላለን።

በሌላ በኩል ገንዝብና ስልጣን ማምለክ የተያያዙት ከፈጣሪያቸው መራቃቸውን እንዴት ይረዱት ስንል ከነዚሁ ውስጥ ቀዳዳ ዋሾች በቅርቡ ከማን አንሼ ብሎ ለኮሚኒቲው ማእከል ቃል የገባውን ግለሰብ እውነቱን ከሆነቃሉን በአስቸኳይ እንዲፈጽም በዚህ አጋጣሚ ለሚመለከታቸው ስናሳስብ፣ ዋሾን ማመንና ጉም መጨበትን አንድ ነው እንዳያባብል ከመጦቆም ወደ ኃላ አንልም።


እርሶስ ምን ይላሉ?