በእርሱ ፈቃድ

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና! 


ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።



በእርሱ ፈቃድ ስለሆነልን ሁሉ ክብርና ምስጋና ለልዑል እግዚሀብሔር ይሁንልን። አሜን። ሀሳብ እንጂ የመሳካቱን እምነት ለእርሱ ለታላቁ መላእከ ሚካኤል በመተዋችን በአለፈው ዕለተ አርብ የእለቱን ስራችንን ጨርሰን የአየር መሳፈሪያ ቲኬትን እንዳገኘን፣ የአውቶሞቢል አከራዮችንም ዳላስ ስንደርስ እንደሚያቀርቡልን ካረጋገጥን በኃላ ነበር የማደሪያ ሆቴላችንም እንደዚያው የቀናን። ምሽቱን በረን ፣ መኪናውንም ተቀብለን፣ ሆቴልም ላፍታ ገብተንና ተጸዳድተን ፣ ለባብሰን ከእኩለ ሌሊት በኃላ የቅዱስ ሚካኤል በክንፉ አቅፎና ደግፎ ከገልፉ የአሜሪካን ሀገረ ክፍል አንስቶ በጋርላንድ ቴክሳስ በሚገኘው በኢትዮጵያ ኦርቶዶክስ ተዋህዶ ደብረ ምህረት ቅዱስ ሚካኤል ካቴድራል በሥርዐተ ማህሌት አጋማሽ አብቅቶ፣ ንግሠ በዓሉን ከናንተ ጋር እንድናከብር ያበቃን። እናንተንም እንኳን ለዚህ በዓል በሰላም አደረሳችሁ። ለዚሁም የእርሱ ፍቃድ አሁንም ይክበር ይመስገን። አሜን።


ከእርሱ ምስጋና በመለጠቅ ዘርዝረን የማንዘልቃችሁ ለዚህ በዓል መሳካት ጉልበትና እውቀታችሁን እንዲሁም በንዋይ የተሳተፋችሁ፣ ከሩቅም ሆነ ከቅርብ ተሰብስባችሁና ከደብሩም ተወጣጥታችሁ አገልግሎት የሰጣችሁ ሁሉ እርሱ ቅዱስ ሚካኤል አገልግሎታችሁን ይቀበልላችሁ። በተለይም ሁለት የአስተዳደር ቦርድ አባላት ሚስቶች የጀርባ አጥንት አድርጎ ጥንካሬን ስለሰጣችሁ እርሱ ይክፈላችሁ። አንደኛዋ እህት በረጅም ጊዜ አገልግሎታቸው የእማሆይ ተቀጥያ ስም ያተረፉት እህት ከመቅደሱና ከአስተዳደር ቦርድ ውጪ ባለው ማንኛውም ክንውን ተሰጥቶ ያላቸው ሀቀኛ የቅዱስ ሚካኤል ባሪያ ናቸው። ሁላችንን የገረመን ቢኖር፣ ታቦቱ ወደ መንበሩ እንደገባ የወንበር እጥረት ኖሮ ከጀርባ ካለው ተንቀሳቃሽ መጋዘን ለማውጣት ስንራዳ፣ የበሩን መዘወሪያ ለመክፈት ወደ 15 የምንሆን ወንዶች የተሳነን እኚሁ ሴት እህታችን ነበር ተጠርተው መጥተው አከፋፈቱን ያሳዩን። ሌላዋ እህት ደግሞ የኮምፒተር ችሎታ ያላቸውና ከወጣቱ ዲያቆን አስተማሪ ጋር እየታገዙ ሌሊት ተቀን ለፍተው በኤሌክትሮኒስ ቅዳሴና መዝሙር ለምዕመናኑ መገልገያ እንዲሆንና የተቋረጠ አገልግሎቱን እንዲቀጥል ያበቁ።


እንደተረዳነው ከሆነ ይህ ወጣት መምህር በርቀት ላለነው ለኛ ብቻ ሳይሆን ለመላው ዓለም የዕምነቱ ተከታዮች ቅዳሴውን live በኢንተርኔት ለማስተላለፍ እቅድ እንዳለ ነው። ከዚሁ ጋር በማያያዝ አዲስ እየገባ ያለውን የ security system upgrade የstate of art ደረጃ በጠበቀ እየተካሄደ መሆኑን ስንረዳ አንዳንድ ውይይቶችንም ከተኮናታሪ ሰራተኞች ጋር ተለዋውጠናል። ይህም አንድ መሰረታዊ ስራን አስተዳደሩ እያከናወነ መሆኑን ተረድተናል። ሌላው አዲስ ያየነው ለዘማሪዎች የመልበሻ ክፍል የተባለውን ባንወደውም ጊዜዊ በመሆኑ አይከፋም። ይህን በተመለከተ የህንጻ ኮሜቴና ምዕመኑ በቅርቡ ደረጃውን የጠበቀ ህንጻ ይገነባሉ የሚል እምነት አለን። በተጨማሪም ለልጆች የትምህርት ክፍል ችግር እንዳለና ይህም ተጠንቶ በቅርቡ ይቀረፋል የሚል እምነት አለን።


ወደ በዓሉ በመመለስ ፤ የሱን ተዐምር ለማየት በመብቃታችን ከውስጣችን የሚደቀደቀው አልፎ ወጥቶ በፈታችን የወረደው ዕንባ አብረን ለተጋራነው የክርስትና ፈተና ምስክር ነበር። ዛሬ ሁልም ነገር አልፏል ብለን መቀመጥ የሌለብናን በምንችለው ሁሉ ቤተ ክርስትያናችንን ነቅተን መጠበቅ የግድ ነው። በዓሉ እጅግ ያማረና የደመቀ ሲሆን የአስተዳድደር ጠሀፊው እንደጠቆመው ደብሩ ከሌሎች እህት ደብሮች ጋር ያለውን ቅርርብ በተግባር ያሳየ ሲሆን፣ ወደፊትም በህብረት እንዴት እንደሚተሳሰሩ ጠቁሟል። እንዲሁም እስካሁን ሰራን የምንለው ያነሰ መሆኑንና እርስ በእርሳችን መናቆር አቁመን ለተተኪው ትውልድ መሰረት መጣል እንዳለብን አሳስቧል። እንግዲህ ልብ ያለው ይገነዘበው ዘንድ። ከዚሁ ሳንርቅ ሰሞኑን ለእስር የተዳረገውና በመካከካችሁ የረዥም ጊዜ ነዋሪ የሆነው ግለሰብ ለሁለተኛ ጊዜ በሕግ ወጥ ተግባር ላይ መገኘቱን መረጃዎች ይጠቁሟሉ። ሌሎችም እንደሚሉት በመጀመሪያው ጥፋት እንዳልሆነ ሲሆን ቤተ ክርስትያኑም ስለእርሱ እርዳታ ስብሰባ ጥሪ ማስታወቂያ መናገሩ በኛ ተገቢ አይመስለንም። ባለፈው በደብሩ ውስጥ ብጥብጥ ያነሳሱ የክህነት ግዴታቸውንም ያልተወጡት ከነጥቂት ግብረአበሮቻቸው ጋር ከቅዱስ ሚካኤል አጥር ውጪ በሚገኘው የተለየ እምነት ተከታዮች ህንጻ ውስጥ መግባታቸውንና ይኸውም ነገር ፍለጋ መሆኑንን ቀደም ብለን መጣፋችን ይታወቃል። የራሳቸውን ቤት አጥፍተውና የፈጠራቸውንም አስቀይመው ራሳቸውን ሲያገሉ ራቅ ቢሉ መልካም ነበር። በእውነት አንድ ዕምነትና ሀይማኖት ካለን ለምን እናከራለን የሚለውን ለአንባቢያን በመተው፣ ክርስትናውን ለማስፋት ሲባል ላዘጋጁት መንፈሳዊ ጉባኤ ሲሆን የቅዱስ ሚካኤል ደብር አስተዳደርን አዳራሽ በአነስተኛ ክፍያ መጠየቅ ፣ ይህም ባይሆን አንድ አይነት ዕምነት ያላቸው እስከሆኑ ድረስ ጉባኤቸውን አስመልክቶ ማስታወቂያ እንዲያስቀምጡና እንዲነገርላቸውም ማድረግ ሲቻላቸው ፤ እነርሱ ግን ሆነ ብለው ከመውጫው አጥር ትክክል ፊት ለፊት ከመንገዱ ባሻገር የተከሉትን ማስታወቂያቸውን አይተን ዛሬም ቅዱስ መንፈስ እንደራቃቸውና ከተሳሳተ መንገድ መውጣት እንደተሳናቸው ከተግባራቸው አረጋግጥልናል።  እንደዚሁም የምስክርነት ዝማሬ ያቀረቡት የደብሩ የወላጅ መዘምራን ልባችንን የነካው ሲሆን፣ ከምዕመኑ እህቶቻችንና ወንድሞቻችን ፊት የሚወርደው ዕንባ ባለፈው ጥቂት ወራቶች በደብሩ የነበረውን የክርስትና ፈተና የሚያስታውስና ፤ ሳይረዱ በሌላ ጎን ቆመው የነበሩትን፣ በተፈጠረውም አዝነውና ቆስለው የነበሩትን እንዲሁም መስዋዕት የከፈሉትን ሁሉ ወደ ምንጩ አምጥቶና በአጸደ መስቀሉ ፊት አቁሞ አንድ ያደረገበት ዕለት መሆኑ ነበር። 


የነበርነው ሁሉ ሌሊቱን በሙሉ ከኢትዮጵያና ከዚሁ ሀገር የተለያዩ አድባራት በመጡ ካህናት አባቶችና ደብሩ በቅርቡ በአገኛቸው መነኩሴ ካህን እየተመራ የተካሄደው ስርዐት ወደር የሌለው ለመሆኑ፣ የህጻናቱ ፣ የወጣቶቹ ፣ የእህቶችና ወንድሞች ዝማሬን ጨምሮ እንደ ኤሌክትሪክ በውስጣችን ሲያነዝረን ያራፈደን መንፈስ ምን ግዜም የማይረሳ በረከት ነበር። በወጣቱ አስተማሪ እየተገነቡ ያሉት ህፃናት ያቀረቡትን ስንመለከት በዚሁ ከቀጠሉ ተተኪነታቸውን አንጠራጠርም። በማግስቱም የተደረገው ስረዐተ ቅዳሴና ዝማሬ እንዲሁም የወጣቱ መምህር ትምህርት ውብ ነበረ።


ከቀትር በኃላ በዕለተ ሰንበት ወደ አየር ማረፊያ ስንጓዝ እድሉ ገጥሞን የመረዳጃ ማህበር የሬዲዮ ዝግጅት ለማዳመጥ በቅተን ነበር። እንደተሰማው ከሆነ ረጅም ጊዜውን የወሰደው ባለፈው ሳምንት በከተማችሁ ተደርጎ ስለነበረው በትግራይ ነጻ አውጪ ድርጅት ለሚመራው የኢሕአዴግ መንግስት  ስብሰባ የተቀዳውን ነበር። ሲፈልግ ተቃዋሚ እራሱን የሚያስመስለው የኢሕአዴግ መንግስት ቅጥረኛ የሆነው መረዳጃ ማህበር አመራር አቋም በገሀድ የጀመረ ለመሆኑ በዚህ ቀን broadcasting ስብሰባውን ላልነበሩት በስርጭቱ ሲያስተጋባ ነበር። የሬዲዮ ስርጭቱን በሀላፊነት የያዘው የመረዳጃ ማህበሩ የተመዘገበበትና የሚንቀሳቀስበት ሕጋዊ ፈቃዱ ውጪ የባዕድ ሀገር መንግሥት የፖለቲካ ሥራ መጠቀሚያ ሆኖ መስማታችን በጣሙን አሳዝኖን አምሽቷል። የሚያሳየውም እነዚሁ ቅጥረኞች እንዴት ሰርገው ሬዲዮኑን እንደሚጠቀሙበት ብቻ ሳይሆን ነዋሪውም በስሙ ሲጠቀሙበት ፈዞ ተመልካችነቱ ያሳፍራል። ሊያው ወንዱ ሁሉ ሱሪውን ያወለቀ ወይንም ህሊናውን የሸጠ ሆኖ ነው በዳላስ የተቀመጠ። በድርጅቱ ብለው በኃይማኖቱ  ገብተውበት ሲቀልዱበት ከጎናችሁ ተነስታ የምታበራይ የሴት ጀግና በመውጧቷ ወንዱ ሁላ ወደማጀት አሰኝታዋለች። ከትውልድ ሀገራችሁ ይዛችሁ የመጣችሁትን የወንድ ትምክህተኝነት በአንዲት ኢትዮጵያዊት ላይ ለወገኗ በመቆሟ እነምናምንቴዎች የፈጸማችሁት በደል አሁን በመረጃ እያሳደዳቹ ነውና የት ትገቡ? 

እኛና ገጻችንን በመካከላችሁ እንድንገባ ያበቃችሁን በኃይማኖታችን ስትመጡ ቢሆንም ማንነታችሁንና ስትፈጽሙ የኖራችሁትን ሕገ ወጥ ድርጊትና በወገኖቻችን ላይ የፈጸማችሁትን በደል እንደ ወይዘሮዋ ገጽ ጥያቄ ወገኖቻችሁን ሁሉ ይቅርታ ጠይቃችሁ ለአንዴና ለመጨረሻ ጊዜ ከድርጊታችሁ ካልተገታችሁ ከኪሮስ እጣ ፈንታ የማታመልጡ መሆኑንና የሚያስፈልገው መረጃ ሁሉ ከሚመለከተው ክፍል ጋር እንደምንለዋወጥ ደጋግመን እንዳስገነዘብነው እንደምንቀጥልበት ልናረጋግጥላችሁ እንወዳለን። በትላንትናው ዕለት እርሱን ለማስፈታት የተባበራችሁ ሁሉ  ዛሬ ብታስፈቱትም የእርሱ ጉዳይ ቅድሚያ የተሰጠበትን ምክንያት የብሔራዊ ጸጥታና ጥቅም ጎጂነቱ በማየሉ ቢሆንም የተቀራችሁ ባለተሮች መዝገባችሁ የተከፈተ ቢሆንም ለማወፈር የማንግደረደር መሆናችንን እያሳወቅን የወይዘሮውን ጥያቄ መፈጸሙ እንድንራራ ያዳዳናል።

ሌላው በወይዘሮዋ ገጽ ውስጥ አዲስ የወጣውን መረጃ እንድታዩትና እንድትገነዘቡት ስንጠቁም፤ በመረዳጃ ማህበሩ አመራር ላይ ካሉት ውስጥ የኮንስትራክሽን መሀንዲስ ነኝ የሚለው ግለስብ በሰፊው የዳላስ ወገኖቻችንን እያጭበረበረና ገንዘብ እየቀማ ያለ ግለሰብ ሰለባ የሆናችሁ ቁጥራችሁ እየበዛ በመምጣቱ ከየአቅጣጫው  የምታሰሙት እሮሮ ደርሶናል። እንደዚህ ያሉ ግለስቦች አረአያዊ ምግባር የጎደላቸው ስለሆኑ ቤቱ የመጥራት ግዴታ ይገባዋል። በተለይም ከቀዳዳው ሙላው ጋር ተጣብቆ ያለና ወደ ከፍ ያለ ጥፋት ውስጥ እየገባ ለመሆኑ ጥርጥር የለንም።

እርሶስ ምን ይላሉ?