እንደ ሊዲያ ልባችንን ይክፈትልን!

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!

ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።


እንደ ሊዲያ ልባችንን ይክፈትልን!

ልቤን ክፈተው፣ ልቤን ክፈተው፣
የልዲያን ልብ እንደከፈትከው።

ይኸን ጥቅስ የወሰድነው ለምን ወደ ቤተ ክርስትያን እንደምንሄድና በዚያም የሚሰጠውን የመንፈሳዊ ትምህርት በሚገባ ተረድተን መንፈሳችንን እንድናድስ እንደዚሁም እንባረክበት ዘንድ ለልዑል እግዚሀብሔር የምናቀርበው ፀሎታዊ የመዝሙር ጥያቄ ነው። የተወደዳችሁ የገጻችን አንባቢዎች እንደምን አላችሁ? እኛ የፈጣሪያችን ፈቃድ ሁኖ ደግሞ ለዚህን ሰአት በዚች ጦማር መልሶ እንድንገናኝ ላደረገልን ክብርና ምስጋና ለርሱ ይሁንልን። አሜን።

ባሳለፍነው  ዕለተ ሰንበት ወደ አሉን የዳላስ ወዳጆቻችንና የሚካኤል ሠይፍ ተወካይ ጋር በስልክ ባደረግነው እንደምን አላችሁ? በሚለው ጥያቄ ከተከፈተው ውይይት የተረዳነውን እውነታ መሰረት በማድረግ ነው።

የዳላሱ የኢትዮጵያ ኦርቶዶክስ ተዋህዶ ደብረ ምህረት ቅዱስ ሚካኤል ካቴድርል ደብር ካሳለፍነው  እሁድ ጀምሮ በየዕለቱ ቅዳሴ ያለፉትን ብፁህ አቡነ ይስሀቅ ለደብሩ በሰጡትና ለእምነቱ ባደረጉት አስተዋጾ፣ የደብሩ አስተዳደር ከመንፈሳዊ አባቶች ተመክሮ በማስገባት ፣ ስማቸውን በፀሎት እንዲታሰብ መደረጉን የአስተዳደሩ ጠሀፊ ከቅዳሴ በኃላ ማስታወቁ፤ በቤተ ክርስትያን ውስጥ የተገኘው ምዕመን በሙሉ በጭበጨባ ተቀብሎ የደገፈው መሆኑን ስንረዳ አሁንም የደብሩን ገለልተኛ አቋም እንደሚደገፍ ግንዛቤን አስጨብጦናል። ጠሀፊውም በደብሩ ላይ ተከፍቶ ስለ አለው ክስ ሂደት ጎረፍ አድርጎት እንዳለፈ ጭምርም ተረድተናል። እንደዚሁም ደብሩ በቅርቡ ስለቀጠራቸውም መንፈሳዊ አባትና ታዳጊዎችንም በተመለከተ የተቀጠረውን መምህር  አስመልክቶም አጭር መግለጫ የሰጠ መሆኑን ተረድተናል።

ለጥቆም ትምህርቱን የሰጡት አባት ጠሀፊው በሰጠው የክስ ጉዳይ በጣሙን የተነኩ በመሆናቸው ፣ ለዕለቱ ያዘጋጁትን ትምህርትም በፍጹም የቀየሩና በዚሁ ዙሪያ በወቅቱ ፈጣሪ ያቀበላቸውን ብቻ የሰጡ መሆናቸውን በምዕመናኑ ዘንድ ዕምነትን አሳድሮባቸዋል። በወቅቱ ቅዳሴ ከተጀመረ በኃላና ብሎም በማብቂያው ላይ ከተገኙት ውስጥ ከሳሽ፣ አስከሳሽና አካሳሽ የሆኑት ግለሰቦችን ይጨምራል። እኝህ አባት ትምህርታቸውን ከመጀመራቸው በፊት ከላይ ባስቀመጥነው የመዝሙር ፀሎት ሲሆን፣ ትምህርታቸው የነጣጠረው በሙሉ ጠሀፊው ባስደመጠው የክስ ጉዳይ ዙሪያ ሆኖ እንዳረፈደ ነበር።

ክፉኛ በክሱ የቆሰሉ የሚመስሉት አባት፤ ከሳሾቹንና ቢጤዎቻቸውን በውል የማያውቋቸው ሲሆን በዚያ ስለመገኘታቸውም ምንም የሚያውቁት ነገር እንዴሌለ ነው። ስጋወደሙ በሚፈተትበት ቦታ እንዴት ስለ ክሱ ይነገራል?

ቤተ ክርስትያን የጠብ ወይንም የክስ ቦታ አይደለችም ብለው የተቃጠሉት አባት ከዚህ በፊት ሲያደርጉ እንደነበረው በበለጠ ሁኔታን ከመጽሀፍ ቅዱስ በማያያዝ ከሚገባው በላይ አስተምረዋል።

እንግዲህ እንደ ልዲያ ልባቸውን እንዲከፍትላቸው የሁላችንም ፀሎት መሆኑን ለማንም ግልጽ ነው። ይህንን ካልተረዱ ፣ ከድርጊታቸውም ባስቸኳይ ካልተገዱ፣ በሰውና በሀይማኖት አባቶች ትምህርትና ተግሣጽ ካልተቀበሉ፤ ምን መሆን አለበት ትላላችሁ? የሚለውን ጥያቄ ነበር ከየአቅጣጫው የተቀበልነው። የኛ የዚህ ገጽ አዘጋጆች መልሳችንን እንደሚከተለው ስናቀርብ እነዚህ ወገኖቻችን እንደኛው ሰዎች ናቸውና በደካማነት እየፈጸሙ ያለው ጥፋት መሆኑንን ደጋግመን ልናስገነዝባቸው መሞከራችንን ገጻችንና እናንተን ዋቢ አድርገን ነው። አሁንም ከዚያ ከመድረሳችን በፊት በታናሽነትና በትንሽነት ከግራቸው በታች ወድቀን፤ በጌታችንና በመድሀኒታችን በእየሱስ ክርስቶስ ሥም ነገራችሁን ከራሳችሁ ለዩ፤ እንደ ሊዲያ ልባችሁን ክፈቱ፣ ይህንን ሥራ እንደያዛችሁ ብትጠሩስ? መምጫውን ማንኛችንም ፈጽመን አናውቀውምና።

እንግዲህ ሁላችንም ወደ ቤተክርስያን የምንሄደው ለአንድ እምነትና ለአንድ ሀይማኖት ብቻ ከሆነ ፣ እርሱንም በሙሉ ልባችን አምነን ከተቀበልን ፣ ምን የሚሉት ልዩነት ንሮ ነው በመንፈሳዊው መንገድ የማይፈታው? መንፈሳዊ ካለመሆን ከዕምነቱ ውጪ በዐለም ፍርድ ቤት ምንም የሆነ ችግር ማስወገጃ መፍትሄ የለምና በከንቱ ሌላውንና ደብሩን ማመስ ራሱን የቻለ ሀጢያት ነው።
በከተማችሁም የኢትዮጵያ ኦርቶዶክስ ተዋህዶ ዕምነት መሰረት በዕውቀትም ሆነ በክህነቱ ከፍ ያለውን ዕውቀትና ሥልጣንን የተቀበሉ አባት የተደጋገመ ትምህርትን በሚገባ የሰጡ ሲሆን መስቀል ይዘው ተንበርክከው ለምነዋል። እኚህ ቆመስ የጉዳዩን እልባት ቁልፍም እንደያዙ የዘነጉ ካሉ ተሳስተዋል። ደጋግመው መክረውና አስተምረው ያልተቀበላቸውን ከእምነቱ መለየትና ማውገዝ የሥልጣናቸውን መብት ስለሆነ፤ ይህንን የፈጸሙ ዕለት የዐለም ሕግ ከሳሾች የተመኩበት ሁሉ ፈራሽ መሆኑን አውቀውታልን? እኝ አባት ድንግላዊ ያልሆነ የቤተክርስትያናችን ካህን ሊሰጠው የሚችለው የመጨረሻውና ከፍተኛው ማዕረግ ያላቸው ሲሆኑ፤ የእርሳቸውን ግዝት ለመፍታት ለማንኛውም ጳጳስ እጅጉን ከባድ ነውና። ምክንያቱንም የሚገባውን ትምህርት ሰጥተዋልና። ፍርድ ቤቱም ቢሆን ሀይማኖቱ ውስጥ የመግባት መብቱና ሥልጣኑ የተወሰነ በመሆኑ፤ የተከሳሹ ደብር ጠበቆች ይህንን ግዝት ከተፈፀመ ያላቸውን ማስረጃ ለፍርድ ቤቱ ካስገቡ የክሱ እልባት ያገኛል የሚል መልስ ነው ያለን።

እርሶስ ምን ይላሉ?