ሁሉም ሀጢያትን ሰርተዋልና

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!

ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።


ምንም እርቀን ብንኖርም የናንተን ሀዘንም ሆነ ደስታችሁን ከመካፈል አላሰለስንም። ያጠፉ ቢኖሩ እንዲመከሩ ፣ የተሳሳቱም ቢኖር እንዲመለሱ ከመጠቆም አናቋርጥም። እንደመልካችን ሁሉ አስተሳሰባችን ይለያያል። በምንወስደውም እርምጃ ከተጠያቂነት አናመልጥም። ምንም እንኳ ከሰው ስህተት ከብረትም ዝገት አይጠፋም ቢባል የሕዝብን አደራ ተቀብለው በአመራር ላይ የሚቀመጡ ፤ ከሚጠበቅባቸው ዋነኛውና ተቀዳሚ መመዘኛ የስነ-ምግባር ሞዴልነታቸው ነው።

በምንኖርበት ሀገር ባሕሉም ሆነ ህጉ ከትውልድ ሀገራችን ጋር በጣሙን የተለየ መሆኑ ለማንም ግልጽ ነው። በተለያየ የዜና ማሰራጫ በየጊዜው እንደሚዘገበው  ኃይልና ገንዘብ ያላቸው ሁሉ ከሕግ በላይ ራሳቸውን ያደረጉ እስኪከስትባቸው እንጂ ፣በለስ የቀናው ሲያመልጥ ሌላው ደግሞ ሕጉ ሲጎብጥለት እናያለን። ለዚሁም ደግሞ  ቀደም ያለ ስነ-ምግባራቸውን ከግምት በማስገባት አስተያየት ይደረግላቸዋል። ከትንሽ ከተማ እስከ ሀገር መሪነት ፣ ከተራ የሀይማኖት ተማሪ እስከ ከፍተኛ የክህነት ስልጣን፣ ከተቆጣጣሪ እስከ ዋናው የድርጅት መሪ እንደዚሁም የስራ ጠባያቸው ከሕብረተሰቡ ጋር ቀጥተኛ ግንኙነት ያላቸው ሁሉ ከስህተት ለመጠንቀቅና የሚያደርጓቸውን ተግባራት ሁሉ የመጨረሻ ነጥባቸውን ከወዲሁ ማጤን ብልህነት ነው።

አንዳንድ ግልሰቦች ወይንም ምንጮች በህግ የተያዘን ጉዳይና እልባት ባልተደረሰበት የራሳቸውን እንዲሆን የሚመኙትን ብቻ አስተያየት በመስጠት የሌላውን አመለካከት ለሀሰት ግምገማ ሲዳርጉ በየጊዜው ተመልክተናል።በዚህ በምድረ አሜሪካ “innocent until proven guilty “  Constitution of the United States እንደተቀመጠው ሁሉ ይህንን በመዘንጋትም ሆነ አውቀው የግል አቋማቸውን ሲያንጸባርቁ ይታያሉ። ይህ በህግ የተያዘን ጉዳይ የራሱን Legal process ሳይጨርስ በግልጽ አስተያየት መስጠት ተገቢ አይደለም እንላለን። ይህ አሜሪካ ሆነና moral and ethical questions ከተለያየ viewpoint እየተገመገመና እየተሰነጣጠቀ በተለያየ መልኩ ቅርሱንና ይዘቱን ከዘመን ወደ ዘመን እየለዋወጠ ይገኛል። ነገርን ከስሩ ውኃን ከምንጩ እንዲሉ ጫፍ ይዞ መሮጥ ከግምት ይጥላልና። ይህን moral and ethical questions ጫንቃቸው መሸከም ያቃታቸው ራሳቸውን ከሀላፊነት ማግለልና ከሰፋ ጸጸት መዳን ይገባቸዋል።ነገር ግን ወደ ቃሉ ስንመለከት “ ሁሉም ሀጢያትን ሰርተዋልና……” ስለዚህ የጥፋትና የሀጢያት ትንሽ የለውም፣ ሁላችንም ሀጢያትን ሰርተናልና። የይቅርታ አምላክ ግን ንስሀችንን ይቀበልልን። የድክመት ስህተታችን ለሌላው መውደቂያ አያድርግብን። ምንም ወርቅ በእሳት ቢፈተንም ፤ በቤተክርስትያን አገልጋዮች ላይና በቤተክርስትያን ላይ ፈተናው ይበዛል። አማኞችም በጾምና በጸሎት ይበልጡን በመጠንከር ፈተናዎችን ሁሉ በማሸነፍና ለመንግስቱ ወራሽነት ለመብቃት እግዚሀብሔር የበቃችሁ ያድርጋችሁ።