ገጻችሁን መሰረተቢስ አታድርጉ!

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!

ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።


ገጻችሁን መሰረተቢስ አታድርጉ!

ብዙ ጊዜ ካሰብኩበት በኃላ በመወሰኔ የሚቀጥለውን ለመጻፍ ተነሳሁ። እናንተም ያለቅሬታ በብሎጋችሁ ላይ እንደምትለጥፉት እርግጠኛ በመሆን ነው። ካደረጋችሁት ጥሩ ከቆሻሻም ካስገባችሁት የናንተ ውሳኔ ነው። ነገርግን ለዛችሁን የባሰ ነው እያጠፋችሁ የምትሄዱ። የምትነኩትንም ወዳጅ ጠላታችሁን የለያችሁ አትመስሉኝምና ብሎጋችሁ ሲያደርግ የነበረውንና ያበረከተውን ሚና እያጨለማችሁትና እያጠባባችሁት ትገኛላችሁ።

እኔ እንደደረስኩበትና እንደተረዳውት የጨበጥኩት ግንዛቤ ቢኖር የዚህ ገጽ አዘጋጅ ምንም አይነት ስለ ኢሕ አፓ እውቀት የሌላችሁ ነገር ግን ግለሰብን ለመኮነን ስትሉ ድርጅቱን ያለአግባብ ወነጀላችሁ። ይህንን ለማለት ያበቃኝና የዚሁ ጽሁፍ መነሻ የሆነው አቶ ተኮላ መኮንን የተባለውን ግለሰብ አስመልክቶ የቀረበውን በማንበቤ ነው። እኔ አቶ ተኮላን ከልጅነቱ አውቀዋለው። በእርግጥ ከናንተ የሚያስማማኝ በትምህርቱ እንደናንተ የገፋ አይደለም። ነገር ግን እድሜው ደርሶ ወደ ውትድርና የገባው ወደ አየር ወለድ መሆኑንን አልክድም ነገር ግን በአየር ወለድ ውስጥ ሾፌር እንዳልነበርና ከዚያ ጋር የተያያዘው ዘገባ የተሳሳተ ነው። በአየር ወለድም የቆየበት አመት እርግጠኛ ባልሆንም 2 አመት የሞላው አይመስለኝም። ከዚያ ጦር ክዶ የሚለውን ቃል ባልስማማበትም በትክክል የተወሰኑ ባልደረቦቹ ጋር በመሆን ኢሕ አፓን ተቀላቅሎ መሰለፉ ሀቅ ነው።

የናንተ ምንጭ የሆነው/የሆነችው ግለሰብ ከእውነት የራቀ ዘገባ ነውና የሰጡት ይህንን እንዲታረም ስጠይቅ ሁላችንም የተለያየ አመራር ስር በኢሕ አፓ ማገልገላችንና የሚጠበቅብንን መስዋዕት መክፈላችን እሙን ቢሆንም አቶ ተኮላ በጋንታ አዛዥነት አላገለገለም። በእርግጥ በቦታውና በሰአቱ ባልኖርም በአንጃነት እርምጃ የተወሰደባቸው እንዳሉ የአደባባይ ሚስጥር ነው። እኔ በአይኔ አቶ ተኮላ ሲገድል ስላላየሁኝ የምንጫችሁን እውነተኛነት ማረጋገጡ ተገቢ ነው። በግል ጥላቻ ከሆነም ሀሰት ማድረግ ተገቢ አይደለም። በእርግጥ ሚስጥር እንዳይወጣ የተያዙ ነጥቦች ቢኖሩም ውሾን ያነሳ ውሾ ይሁን ተባብለን የተውነውን የእናንተ መቀስቀስ ይሆናልና መተው ይመረጣል። ጥቅምም አይኖረውም። በተረፈ አቶ ተኮላ ዛሬ ለወያኔ ያደረ ለመሆኑ የዘገባችሁት ላይ ብስማማም መብትና ነጻነት እንዳለው እንደምንስማማ እርግጠኛ ነኝ። በተረፈ በአቶ ተኮላ ላይ የተሳሳተና የተዛባ ዘገባ የሚሰጧችሁ ምንጮቻችሁ በቦታው የሌሉና ወደቀ ሲሉ ተሰበረ የሚሉ አይነቶች እንጂ ያላቸውን እውነታ ይዘው ቢሞግቱኝ ደስታዬ የላቀ ነው።

እናንተም እዚህ ውስጥ የገባችሁት በእውነት ለሀይማኖት ከሆነ ሆዴን ነክታችኃልና አቶ ተኮላን ይቅርታ ልትጠይቁት ይገባል። በእርግጥ እርሱም ቢሆን ሀይማኖት ያለው ከሆነ ከቤተ ክርስትያን ጋር ግጭቱን አቁሞ ቢበደልና ቢገፋም ለፈጣሪ ብሎ እንዲተውና የበደሉትን ሁሉ ይቅር እንዲል በዚህ አጋጣሚ በእግዚሀብሔር ስም እጠይቃለሁ። ለተሰጠኝም እድል አመሰግናለሁ።

ምቾት ከዳላስ


ከብሎግ አዘጋጅ

ከዚህ በላይ ያለውን የላኩልን አንባቢያችንን ጥሁፍ እንዳለ ስናቀርብ የተለያዩ ተመሳሳይ ጥሁፎችም ደርሰውናልና እንድ ሀገሩ አባባል’ we can not agree more’ እንደሚሉት እንደዚሁም አቅራቢ የነበረው ወንድማችን በዚህ ጉዳይ ላይ የነበረውን contact ለአስተያየት ልንገናኘው ሞክረን ባለመቻላችን ይህንን ለማውጣት ተገደናል። በእርግጥ የተዛባ ዘገባ ከሆነ ለአቶ ተኮላ ገጻችን ከልብ ይቅርታን ትጠይቃለች። እንደግመዋለን አሁንም ከልብ ይቅርታን እንጠይቃለን። ማንኛውንም ነቀፌታና ትችት በዚህ ጉዳይ ዙሪያ በአስተያየት መስጫችን ላይ እናስተናግዳለን። ይህ ገጽ የሁላችሁም ነውና አስተያየት ስጡበት ነገር ግን ከላይ ጠሀፊው እንዳሉት ከአቶ ተኮላ ጋር ልዪነታችን ሀይማኖታችንና ደብሩን መክሰሱ ዋናው ነጥብ ስለሆነ የጠሀፊውን ጥያቄ ይቀበላል እንላለን።


በሌላ በኩል በተጠየቅነው አስተያየት መሰረትና ከሚካኤል ሠይፍ ባገኘነው መርጃ ለደብሩ አዲስ አስተዳደር ምርጫ ያለፉት ተጠቋሚዎች ስም
1. ሙሉጌታ ው/ሚካኤል  በኛ አስተየት ብዙም መርጃ የለንም
2.ሰሎሞን ጋዲሳ                                ጥሩ ምርጫ
3.ኤልሳ በቀለ                                    መልካምና ጥሩ
4.አብርሃም አሰፋ                                  ?
5.ዮሴፍ ረታ                                     የእረፍት ጊዜ
6.ተስፉ በላቸው                                    ?
7.መሠለ ከልል                                  ጥሩ
8.አምሃ ገ/አማኑኤል                           መጥፎ ምርጫ


 በማለት እንደመድመዋለን።

እርሶስ ምን ይላሉ?