አሁንስ ጉዱ በዛ !

የርሶ ብዕር አስተያየት ተሳትፎ ሕብረተሰባችንን ይጠቅማል ያሉትን አይንፈጉን ገንቢነቱ ቦታ ይኖረዋልና!ማሳሰቢያ፡ ይህ ገጽ የተዘጋጀው የተለያዩ የኅብረተሰባችንን ሀሳብ ለመለዋወጫ እንጂ ለሚሰጡት ማንኛውም አስታየቶች በማንኛውም መንገድ ተጠያቂ አይደለም። ጉግል ድርጅትም ኃላፊነት አይወስድም። ኃላፊነቱ በሙሉ የአስታየት ሰጪው ብቻ ነው።



አሁንስ ጉዱ በዛ !


ሁላችንም ከዳላስ የኢትዮጵያን ኮሚኒቲ እርቀን ለረዥም ጊዜ ተቀምጠን የነበረው ያለ ምክንያት አይደለም። ሁለት አመት ያስቆጠረው እድር ግን አዳዲስ ፊቶችንና ሀሳቦችን ይዞ ትንሽ ሊያሰባስበን ቢነሳም፣ በውስጡ ያግበሰበሳቸው ጥቂት አባላት አሁንም ለማንበርከክ በተለያይ መንገድ እየተዋቀሩ ይገኛሉ። ባገኙት ቦታ ሁሉ በተለያየ መንገድ ሕብረታችንን ይተናኮላሉ፣ ትንሽ ነገር ይዘው መሀል ከገቡ የዘሩት መርዝ ቶሎ አይወጣም። እነዚህም ግለሰቦች በአንድ የፖለትካ ፣ በአንድ ቤተክርስትያን፣ በአንድ ጽዋ፣ በአንድ እድር፣ በአንድ ማህበር ወዘተ….ብቻ አባልነት የማይወሰኑ፤ አንዱ ጋር ሆነው ያንኑ ከማጠናክሩ፤ በምትኩ የአንድነትና የጥንካሬ ቦርባሪ የህብረተሰባችን ጠንቆች ናቸው።

ለዚህ መነሻ የሆነን፡- የዳላስ ፎርት ዋርዝ ኢትዮጵያን ኮሚኒቲ ለአባላት ባሰራጨው የኢትዮጵያን ቀን ዝግጅት አስመልክቶ በጠራው ስብሰባ የሚካሄድበትን ስፍራ በተመለከተነው። የስብሰብ ቦታ በሀይሉ እጅጉ መሰጠቱ ባልከፋ ነበር ነገር ግን የሱ በጎ የመሰለ ነገር በማር የተጠቀለለ መርዝ ስለሆነ በምስጋና ቦታውን መለወጥ ይገባል። ከግላችንም ቢሆን የስብሰባውን ወጪ ከፍለን ሌላ ቦታ እንዲሆን አምዳችን እያሳሰበ ፣ ኮሚኒትው መሪዎች ባላቸው ግንኙነት ሲሉ እንቢኝ ካሉ ማናችሁም እንዳትገኙ ከወዲሁ ጥሪ ለሚመለከታቸው ሁሉ እናቀርባለን።

አምዳችንም ለዚህ አቀም የበቃው፣ ሀይሉ እጅጉ የጳውሎስ ሎሌ ብቻ ሳይሆን የዳላስ ኢትዮጵያ ተዋህዶ ደብረ ምህረት ቅዱስ ሚካኤል ካቴድራል የሆነውን ደብር፣ የማንኛቸውንም ኢትዮጵያዊና የኢትዮጵያ ተወላጅ ሁሉ በዘር፣ በሀይማኖትም ሆነ በጎሳ ሳይለያይ፤ እንደ ግል ሀብቱ፣ መታወቂያው፣ ኩራቱና ክብሩ የሆነውን ታላቅና ክብር ቦታ ነጥቆ ለመስጠት ሌት ተቀን የሚተጋና በኮሚኒታችን ውስጥም ቀዩ ሰይጣን የሚል ቅጽል ስም የተሰጠው ግለሰብ ዳንስ ቤት ነው። ይኸው ቦታም ወደፊት ኮሚኒታችንን ሊያስተች የሚያስችል ሊሆን ይችላልና ከአሁኑ ይታሰብበት እንላለን። የበለጠ ስለ ሀይሉ እጅጉ ለማወቅ ቀደም ሲል በአምዳችን ያወጣነውንና እንዲሁም በሰንበቴ ገጽ የወጡትን ኣንዲያነቡ እንጋብዞታለን።

እርስዎስ ምን ይላሉ?